張栢芝再曬舊照 20年前19歲完美顏值pure到震

116

張栢芝再曬舊照 20年前19歲完美顏值pure到震

張栢芝當年憑《任何天氣》、《星語心願》橫掃頒獎禮新人獎,連同期嘅容祖兒都唔夠佢玩。

張栢芝當年憑《任何天氣》、《星語心願》橫掃頒獎禮新人獎,連同期嘅容祖兒都唔夠佢玩。

張栢芝早前於社交平台上載自己12歲時嘅長髮照片,照片中,張栢芝一頭烏黑長髮加上大眼睛,猶如鄰家女孩一樣,當時唔少網民都留言讚好,甚至以仙女形容張栢芝。見大家反應咁好,張栢芝日前又再上載自己嘅舊照,而今次輯相,係佢99年推出嘅首張EP《任何天氣》嘅封面照,張栢芝發文表示:「任何天氣 立夏」。當年只有19歲嘅張栢芝,既青澀又清純,真係pure到不得了。舊照一出,留言如「360度無死角!」、「女神就是女神」真係讚到天上有地下無。

張栢芝呢期頻頻上載舊照。

張栢芝呢期頻頻上載舊照。

的而且確,當年嘅張栢芝雖然擁有一把鵝公喉,但《任何天氣》一出,已經有白金銷量,對於一個新人嚟講,已經係非常之好嘅成績,而同年底,張栢芝乘勝追擊推出大碟《Destination》,同樣係擁有白金銷量。而喺年底嘅樂壇頒獎禮,張栢芝亦憑《任何天氣》、《星語心願》歌曲掃橫幾個頒獎禮嘅新人獎,就連同期嘅容祖兒都被力壓。

今年38歲嘅張栢芝如今已經係三子之母。

今年38歲嘅張栢芝如今已經係三子之母。

睇睇20年前嘅張栢芝到底有幾pure

張栢芝出道時,無論係唱歌定電影都順風順水。
呢個係12歲嘅張栢芝。
已經好靚。

(102)